مساء الخير .. ديه اول مره اكتب فيها هنا , الساعه الان ٧ ونص حسب التوقيت المحلي لمدينة لندن ,وبعد صراع طويل مع الجو والثلج وركوبي لاربع باصات من البيت للشغل والعكس وصلت لشقتي ...نسيت اعرفكم على نفسي انا بنت عربيه من قطر عربي شقيق وبما انه كلنا اخوان فأفضل ان لا احدد ليكم اي قطر ماعتقد راح يغير شئ. انا درست هنا في بريطانيا وبعد الدراسه استقريت فيها والان اعمل
بصراحة اللي خلاني افكر واكتب ليكم هو فشلي في علاقه عاطفيه مع ولد عرب... من ناحيتي كانت صادقه وقويه بس من ناحيته الله اعلم !! ودي مش اول مره بس والله دي كانت اصعب وحده لانه اختكم كان هينضحك عليها لولا ستر ربنا والحرس الشديد مني 24/7 , اهو الايام جايه كتير هاحكيلكم
المهم اليوم فالنتين كل سنه وانتم في حب وعسل انشاالله كل اللي ما طعمهم ربنا الحب يلقوا محبوب يستاهلهم واولهم حضرة جنابي , وما يحصل ليكم الموقف الغريب الا حصلي امس في المكتب!!! القصه وما فيها ان صديقه عربيه عزيزه علي واعتبرها مثل اختي حست انه انا محتاجه حاجه ترفع من معنوياتي بعد ما انكسر قلبي. فراحت وبعثة لي بباقه انيقه وتحفه خالص من الورد بمناسبة الفالنتين على مكان عملي عن طريق النت . حتى الان مفيش مشكله دى عادي خالص صديقه بتجامل صديقتها ...لكن الي ما تعرفوه ان المكتب كله عارف اني معنديش حد في حياتي خصوصا انه هذا ماذكرت لهم مؤخرا , فكيف توصلي باقه بهذه الروعه!!! وفي يوم الفالنتين ...اكيد البت عرب بتحب وبتكذب علينا!!! وهاتك ياسئله ...الستات تقولي ول دن باين عليه متريش...ورجاله بيقولوا تستهلي يله كفايه انتظار. وانا في حيره من امري لو قلت ليهم من صديقه مش هيفهموا اصله هنا مفيش اصدقاء بنات بيتبدلوا باقات بالحجم ده وكمان في فالنتن...نهاري هكيون اسود لو عرفوا هيقولوا هي من اياهم وعملنا فيه محترمه ومتمسكه بعادتها.طيب اقول ليهم من صديق ...بس برضه مش ماشيه انا من اسبوعين كنت بصرخ واقول ليهم ...ياخواجات دوارولي على عريس ولد عرب وهترتاحوا من شكوتي الدائمه. من ساعه العاشره من وقت ماوصلة لي الباقه وانا الضغط ارتفع ومش عارفه اشتغل طول مانا قعده بسمع تعليقات وهمس واشوف ابتسامات صفراء...مقدرتش استحمل جاء موعد الغده فهربت بره المكتب مع انه الدنيا كانت برررد بس والله ارحم.وبعد ساعه رجعت وقلت خلاص هيبطلوا كفايه...لكن على مين يابابا...لقيت مدير قسم تاني قدامي..بيبتسم بهبل وقلي تصوري محدش حتى اعطاني كارد...انتِ محظوظه...مين المعجب الغامض ليكون الولد الشغال معيا!!!...بس هو اجنبي وانت عايزه ولد عرب زيك!!هو قال كده انا زهقت من الموضوع كله قمت حاطه الباقه تحت الطاوله....يلاه كده احسن .انتم لو كنتم في مكاني كنتوا هتعملوا ايه
!!!
!!!
9 comments:
اهلا فيك في عالمنا ...وقصتك ظريفه ههههه. على العموم يعطيك العافيه وحظا سعيدا.
حبيبتى بنت عرب
شكرا لتشريفك مدونتى
انا فعلا سعيدة انى اتعرفت عليك
كلنا فى غربه مهما اختلفت الاماكن
على فكرة انا صاحبتى بتشتغل برضه فى لندن
بس معاها جوزها واولادها
ربنا يرزقك يارب بزوج صالح ويبعدك عن الشياطين اللى منظر على الفاضى
بالنسبه لموضوع الورد
كنت قلت ان من والدك او والدتك وبعته ليك عن طريق النت وخلاص
عموما احمدى ربنا ان جالك ورد ..انا ماجاليش حتى طماطم حمرااا
ههههههههههههههه
تحياتى ياحبيبتى ودايما زورينى
وانا دايما هازورك
سلاااااااااااااام
اولاً مبروك المدونة الجديدة عليكى.. ويشرفنى نبقى اصحاب ونتزاور دائماً على طول.. بالنسبة للموضوع كنت اما هعمل زيك واحطة تحت المكتب أو أقول ان حد من عائلتى باعتهولى وخلاص.. ربنا يرزقك بالزوج الصالح
مبروك عليك مولودك الأول
مع الأيام رح تحسي ان كل كلمة في مدونتك جزء منك ومن أيامك .. يتربى بعزك
بس أحسن شي أنك ما كذبت
والصدق منجاه
ويمكن بشارة خير ..
بالتوفيق
انت فين ده كله؟؟
ليه ماكتبتيش بوست جديد؟؟
اخبارك ايه؟؟
مستنيه بوست جديد..
تحياتى
حجر كريم مشكوره ياحبيبتي, انبسطت كثير لمرورك واسعدتني كلاماتك .
قريت مدونتك وهي حلوه جدا وعفويه.
انشاالله نبقى على اتصال , و زوريني دائما.
سلام
بنت عرب
ياسلام عليك يا بنت الغربه ..فيكِ الخير...معلش اصله كان عندي تدريب( تعذيب) ههههه في مدينه تانيه وكنت مشغوله طول النهار وفي الليل يادوب اكل وانام ..وعلى بال مارجعت رجعت ببرد .
بس انشاالله يا جميل هاكتب في القريب العاجل جدا جدا
وربنا يديم المعروف
بنت عرب .. لله يعينج
يلا خلينا نسمع اخبارك
وحشتينا .. وانا سعيدة
بمرورك بمدونتي ... وحشتينا
Post a Comment